Video
Read full review
2021-12-30
24 views
臨近年尾都係朋友仔約食飯嘅旺季，仲要撞正咁凍嘅天氣，打邊爐梗係朋友聚會嘅最佳首選喇！聽到朋友推介呢一間位於油麻地嘅隱世火鍋小店，即使我係住呢頭附近都唔係好發現得到，我嗰日都係經過見到門口條Banner 先發現到佢。即使門面唔係好明顯，但食完真係覺得佢係高質火鍋之選！同一般貼地火鍋店一樣，佢都係有地下同埋閣樓兩層，我哋嗰日去到即時多人都唔使等位。 值得一讚嘅係老闆同埋夥計服務都非常之細心，店面亦都有準備一次性口罩袋，值得一讚！好多人以為打邊爐用料係最重要，但係我覺得湯底都係缺一不可！ 舖頭有12款湯底可以選擇，我哋點左胡椒濃湯豬骨湯底，味道真係非常之濃郁同埋有好重嘅胡椒味，湯底亦都有唔少嘅配料，係咪真係用呢啲料熬製就真係唔知喇，但味道真係足以比個like 佢。講到食物方面其實真係有啲喜出望外，其實舖頭嘅食物價錢係偏中上，既然入得黎食，我哋就點左頂級安格斯牛頸脊試試佢係咪真係咁頂級。碟牛肉嚟到我哋都嘩嘩聲，因為賣相真係非常之靚，味道口感真係對得住佢價錢，而且肥瘦均勻，又唔會切得太薄，絕對唔係一般放題食火鍋店可以比到嘅質素。鍾意食牛肉嘅朋友真係對自己好啲要選擇頂級系列嘅牛肉。我哋嗰日唔係叫
聽到朋友推介呢一間位於油麻地嘅隱世火鍋小店，即使我係住呢頭附近都唔係好發現得到，我嗰日都係經過見到門口條Banner 先發現到佢。
即使門面唔係好明顯，但食完真係覺得佢係高質火鍋之選！同一般貼地火鍋店一樣，佢都係有地下同埋閣樓兩層，我哋嗰日去到即時多人都唔使等位。 值得一讚嘅係老闆同埋夥計服務都非常之細心，店面亦都有準備一次性口罩袋，值得一讚！
好多人以為打邊爐用料係最重要，但係我覺得湯底都係缺一不可！ 舖頭有12款湯底可以選擇，我哋點左胡椒濃湯豬骨湯底，味道真係非常之濃郁同埋有好重嘅胡椒味，湯底亦都有唔少嘅配料，係咪真係用呢啲料熬製就真係唔知喇，但味道真係足以比個like 佢。
講到食物方面其實真係有啲喜出望外，其實舖頭嘅食物價錢係偏中上，既然入得黎食，我哋就點左頂級安格斯牛頸脊試試佢係咪真係咁頂級。碟牛肉嚟到我哋都嘩嘩聲，因為賣相真係非常之靚，味道口感真係對得住佢價錢，而且肥瘦均勻，又唔會切得太薄，絕對唔係一般放題食火鍋店可以比到嘅質素。鍾意食牛肉嘅朋友真係對自己好啲要選擇頂級系列嘅牛肉。
我哋嗰日唔係叫咗好多嘢食，但係有一樣嘢食係出邊比較少有嘅就係甘香泡飯，一開始我哋都唔知係咩嚟，但又唔想叫公仔麵咁普通就一於試試佢。佢嘅質感就好似炸米飯咁樣，就咁食就冇咩味，但係一浸落啲豬骨濃湯度就非常之好食，個個都食到唔停手，如果想食啲飽肚又要啲新鮮感嘅朋友記住試吓。
我哋三位朋友食大約食咗$1100，舖頭好似平時做緊八八折優惠，如果鍾意高質火鍋店嘅朋友記住唔好錯過！
Post
