酥妃皇后 (Closed)

上一手做pizza 無咩人幫襯，今同一間鋪面改做蛋撻。其實呢條街都幾惡做，隔離渣x小食都敗走，有時候條街有人流、附近多小巴站唔代表樣樣食物都做得起。欣賞呢間鋪在名牌舊式冰室對面大張旗鼓開蛋撻鋪，呢份勇氣抵讚！選擇以西式烹煮方式以蛋撻為基礎作變奏，聰明！店面裝潢以黑色為主調，加小小的霓虹logo，奪目吸引。註明香港至強蛋撻，咁巴閉，即管會一會你先～～$10一個蛋撻，比起一般蛋撻大，一個女仔食會覺得飽。酥皮做得幾好，乾身得黎夠鬆化，但賣相少少失望，蛋面下陷而稍稍乾身，完全沒有蛋香，而且甜度唔夠，有點失望。欣賞店內企位有免費飲用水，食完乾身蛋撻，最需要一杯清水，細心。