Hungry Korean (D2 Place) (Closed)

今日同兩位朋友一齊行D2 Place，到晚飯時間見到呢間韓式餐廳，見到餐牌食物幾吸引又有位就行左入去，座位幾舒適寬敞。本來以為要自助點餐，入到去原來侍應落單，之後有送餐既，服務態度良好。食物選擇都多，有一位朋友喜歡吃辣，揀左石頭鍋魷魚飯。唔食辣既我同另一位朋友就叫左石頭雞肉飯。另外，我地叫左個吞拿魚壽司一齊食。吞拿魚壽司好好食，食到吞拿魚，仲有紅蘿蔔同黃蘿蔔既味道。石頭雞肉飯既雞肉都幾滑，甜甜地，撈完雞蛋同其他配菜味道適中。至於個石頭魷魚鍋飯，朋友話魷魚好食，唔算好辣。總結黎講，係抵食既。