富田和食亭 (Closed)

放工同舊同事去左藍田既富田食放題 貪佢夠平 仲有個地方比大家傾下計。環境方面，地方吾會坐得逼 職員服務態度也不錯！刺身：最中意食既甜蝦size刀大隻 甜度必定有 而且好新鮮添！三文魚個人覺得比較薄身 但鮮味依然有！希靈魚食落一粒粒 幾得意。赤貝 左口魚 蟹棒同樣不錯！雞軟骨串：雞軟骨吾會太硬~所以個人覺得吾錯~~鹽燒海蝦：size比正常既蝦為細 但口感為實肉 吾系死蝦黎咖。牛油粟米：份量適中，食得出好香口既牛油味道之餘 粟米依然保持至好甜既味道！冰鎮菠蘿：雖然溫度就吾夠凍，但食依款生果當然系食佢既甜度！叫左兩三轉既菠蘿刀系吾會酸味 仲帶點點甜味，不防一試！北海道蟹皇粥：蝦有一至三隻 同樣size適中 吾系死蝦黎！另外仲有一條蟹棒，味道方面 個人覺得咸左啲啲 但舊同事吾覺！中意食粥既，可以叫一碗喔！炸天婦羅海蝦：食落爽口 吾會太油身 而且吾會炸到黑蚊蚊甘！另外仲有豆腐花 雪糕 雪條 糕點 任你揀添！