火五越式牛肉粉專門店 (華生樓) (Closed)

太子地鐵行五分鐘就到，不用等位。食果時都多附近人士落黎叫外賣，一人套餐揀幾抵，我地就嗌左啲特別啲嘅試下 ！👍🏼街坊價錢👍🏼食物多款選擇👍🏼有特色item👍🏼食物質素中上(生)牛肉粉 $45黎到好大碗，牛肉多唔少嘅，生牛肉粉都係唔可以擺太耐，啲牛肉老左就唔可以食。果到有好幾款醬汁比你加落去，仲有生辣椒🌶️，即刻個味道都提升曬。火五特式鳳爪撈檬 $42未食過鳳爪加撈檬! 鳳爪酸酸甜甜咁，微辣，好爽口！推！提提大家佢果個撈蒙酸汁好重料，唔係好似出面果啲好水咁，建議唔洗落太多！意大利黑醋汁蒜蓉牛油雞翼 $58幾欣賞呢個黑醋汁嘅配搭，酸酸地，佢又有頗多蒜蓉係上面，味道上有層次感，仲要佢係連雞翼尖😋手作大蝦米紙卷 $38一個傳統嘅越南小食，都係可以配酸汁食，每舊入面都有蝦,蘿蔔,青瓜同粉絲做配料凍越南三式冰 $19椰味重過奶味好多，入面再加上經典嘅三色澱粉條，個人覺得如果太多會影響口感，好在佢比例都ok，食完辣野飲返杯就完美。