Video
Read full review
2017-10-10
570 views
是日打風，係屋企hea左成日終於頂唔順要出去搵食！搵左黎呢間黃大仙中心既日本野，事關今日有D店舖都無開，又想試新野！今日晚市都唔少人，要即場㩒機拎飛等位，好彩我地8點半後黎到，等左一陣入得去喇！個menu好得意，layout design好似本漫畫，有個白咖喱烏冬好似堆忌廉咁，望落幾過癮！不過我比佢既小食同魚生飯吸引左，仲要留肚食芭菲架嘛！之前係日本食過努努雞，係雪凍食既雞翼覺得好好味！估唔到香港都有類似既凍雞翼呀！呢度叫電擊雞翼，其實係炸左既開邊雞翼凍左再用蜜糖包住，好脆好香口！旁邊既炸薯條都好好味，佢調既味道有d芝士味，仲叫左雞軟骨都好脆口！芝士厚燒玉子有4大件，玉子上面鋪左火焯過既芝士，雖然唔係拉絲芝士，但係芝士都同玉子好夾！玉子軟綿綿甜甜地好正～仲有火焰左口魚邊牛油果沙律，大大一盤，4個人share都得～左口魚邊夠油香，又有最愛既牛油果栗米青瓜等等，加上用醋調味配襯沙律菜一啲都唔寡～仲有蒜蓉/芝士燒日本廣島蠔各一隻！平均都係$23一隻，仲要中size～蒜蓉同芝士都落得絕不手軟，不過蠔就熟左少少，蠔味都重既輪到主菜珍寶赤蝦海鮮丼！好多魚生呢！分別有蟹籽、帶子、三文魚、燒玉子同大大
今日晚市都唔少人，要即場㩒機拎飛等位，好彩我地8點半後黎到，等左一陣入得去喇！個menu好得意，layout design好似本漫畫，有個白咖喱烏冬好似堆忌廉咁，望落幾過癮！不過我比佢既小食同魚生飯吸引左，仲要留肚食芭菲架嘛！
之前係日本食過努努雞，係雪凍食既雞翼覺得好好味！估唔到香港都有類似既凍雞翼呀！呢度叫電擊雞翼，其實係炸左既開邊雞翼凍左再用蜜糖包住，好脆好香口！旁邊既炸薯條都好好味，佢調既味道有d芝士味，仲叫左雞軟骨都好脆口！
電擊雞翼、炸薯條、雞軟骨
$38
57 views
0 likes
0 comments
芝士厚燒玉子有4大件，玉子上面鋪左火焯過既芝士，雖然唔係拉絲芝士，但係芝士都同玉子好夾！玉子軟綿綿甜甜地好正～仲有火焰左口魚邊牛油果沙律，大大一盤，4個人share都得～左口魚邊夠油香，又有最愛既牛油果栗米青瓜等等，加上用醋調味配襯沙律菜一啲都唔寡～
芝士厚燒玉子
$38
65 views
0 likes
0 comments
火焰左口魚邊牛油果沙律
$65
54 views
0 likes
0 comments
仲有蒜蓉/芝士燒日本廣島蠔各一隻！平均都係$23一隻，仲要中size～蒜蓉同芝士都落得絕不手軟，不過蠔就熟左少少，蠔味都重既
燒日本廣島蠔
$45
55 views
0 likes
0 comments
輪到主菜珍寶赤蝦海鮮丼！好多魚生呢！分別有蟹籽、帶子、三文魚、燒玉子同大大隻赤蝦，咬落啖啖肉好有膠質其他魚生都夠肥美～因爲叫左太多小食，2個人食呢個丼有點吃力，好彩唔係我包底😂因爲我要負責特濃牛奶芭菲！軟雪糕好滑好滑，有綠茶蕨餅、白玉、Oreo碎，底層有栗米片同紅豆，好多重口感，最怕你嫌唔夠多配料😆都係要2個人share先食得曬😂唔好問點解2個人可以食到咁多野😂我地就係鐘意樣樣都試🙈
珍寶赤蝦海鮮丼
$98
67 views
0 likes
0 comments
特濃牛奶芭菲連電擊雞翼薯條
$68
57 views
0 likes
0 comments
叫左7樣野食，每人$200都唔使，就算其他餐廳叫2人套餐都無咁多野食，份量仲要唔細，性價比高！👍🏻而且餐牌多款式，食海鮮丼、壽司、湯烏冬、小食、雪糕每樣既選擇都有好多，下次再黎過！
Post
