薩莉亞意式餐廳 (中染新城) (Closed)

咁啱前幾日屋企人講起呢間餐廳，佢哋話係最近先發現呢間嘢，但係我同朋友就食咗10幾年，係中學時期貧窮嘅回憶。.咁多年都最鍾意食甜蝦沙律，不過個菜底就唔同咗，多咗好多奇奇怪怪嘅菜同埋份量都少咗好多。當年嘅辣味雞翼都變咗依家嘅原味雞翼，冇咗當年嘅精髓，價錢又都貴咗好多，我會寧願買一大包急凍雞翼返屋企自己焗算🤪.最鍾意食都係菠菜煙肉辣汁意大利粉，但應該係太多人話佢太辣，所以而家改咗配方唔辣，變相冇咗一種惹味。溫泉蛋卡邦尼意粉就係好平民餐廳，有一種唔高級嘅味道，係冇得同正式西餐廳比較。.其他嘢食我就唔得特別多講，因為都係正正常常都叫又得唔叫又冇話好可惜，睇返個人口味。