Video
Read full review
2019-07-19
1060 views
新鮮出爐鬆軟麵包 + 熱辣辣香滑奶茶 = 為每日工作加油每日返工都經過呢間麵包店，入面都係人山人海。因為除左住附近嘅街坊會幫襯，附近工業區嘅打工仔，順路經過都一定買早餐。麵包新鮮出爐，熱辣辣，好鬆軟，最受歡迎嘅有菠蘿包、雞尾包，出爐後會放係收銀枱旁，唔洗放上麵包架，因為好快就會沽清，所以早上如果有幸買到菠蘿包及雞尾包，都一定係熱辣辣。出面買到好多麵包，差唔多$10/個，但入面係空心。但泰興嘅麵包，係真材實料，菠蘿包只售$3，但比手掌仲要大個，重點係，裡面係實心嘅，雖然賣得平，但絕對唔會將傾就價。菠蘿包上面層脆皮，夠厚，脆之餘，咬落唔會全部散哂。至於奶茶，更加推介，有好香濃嘅茶香味，加奶後好香滑，雖然我飲開走甜，但只有茶香，無茶澀
奶茶
$12
44 views
1 likes
0 comments
每日返工都經過呢間麵包店，入面都係人山人海。因為除左住附近嘅街坊會幫襯，附近工業區嘅打工仔，順路經過都一定買早餐。
麵包新鮮出爐，熱辣辣，好鬆軟，最受歡迎嘅有菠蘿包、雞尾包，出爐後會放係收銀枱旁，唔洗放上麵包架，因為好快就會沽清，所以早上如果有幸買到菠蘿包及雞尾包，都一定係熱辣辣。
菠蘿包
$3
91 views
0 likes
0 comments
出面買到好多麵包，差唔多$10/個，但入面係空心。但泰興嘅麵包，係真材實料，菠蘿包只售$3，但比手掌仲要大個，重點係，裡面係實心嘅，雖然賣得平，但絕對唔會將傾就價。菠蘿包上面層脆皮，夠厚，脆之餘，咬落唔會全部散哂。
至於奶茶，更加推介，有好香濃嘅茶香味，加奶後好香滑，雖然我飲開走甜，但只有茶香，無茶澀
Post
