Video
Read full review
2020-04-24
99 views
粉嶺聯和墟都幾多嘢食，今日就去咗間西餐廳試吓。餐廳裝潢幾有美式風格。二個人食唔想諗咁多，叫咗個二人餐【Café de Tiffany二人晚餐$248】。【精選沙律】司華力腸加沙律菜，開胃之選。餐湯揀咗【粟米蘑菇忌廉湯】，湯料比較少。主菜【冰島比目魚大虎蝦】預期之外嘅大份量。比目魚兩大件，兩邊煎到金黃色，外脆內嫩，魚肉好軟滑兼juicy，十分高質。大虎蝦肉質爽彈，煎得好香口。仲配大量熱辣辣薯角，食完好飽～【美國Angus Prime Grade牛西冷 (+$100)】西冷扒幾厚幾大份，我哋叫五成但出嚟就七成左右，還好肉味濃郁。配青豆、紅蘿蔔粒、粟米同沙律，營養均衡。【即磨咖啡】咖啡味香濃。【雪糕阿華田(特飲+ $12)】阿華力配朱古力雪糕球，味道又幾夾。最後食埋甜品雪米糍。如果唔係加咗$100食靚牛，唔駛$300就由沙律食到甜品，街坊價認真抵食。
餐廳裝潢幾有美式風格。
二個人食唔想諗咁多，叫咗個二人餐【Café de Tiffany二人晚餐$248】。
【精選沙律】
司華力腸加沙律菜，開胃之選。
餐湯揀咗【粟米蘑菇忌廉湯】，湯料比較少。
主菜
【冰島比目魚大虎蝦】
預期之外嘅大份量。比目魚兩大件，兩邊煎到金黃色，外脆內嫩，魚肉好軟滑兼juicy，十分高質。大虎蝦肉質爽彈，煎得好香口。仲配大量熱辣辣薯角，食完好飽～
【美國Angus Prime Grade牛西冷 (+$100)】
西冷扒幾厚幾大份，我哋叫五成但出嚟就七成左右，還好肉味濃郁。配青豆、紅蘿蔔粒、粟米同沙律，營養均衡。
【即磨咖啡】咖啡味香濃。
【雪糕阿華田(特飲+ $12)】阿華力配朱古力雪糕球，味道又幾夾。
最後食埋甜品雪米糍。
如果唔係加咗$100食靚牛，唔駛$300就由沙律食到甜品，街坊價認真抵食。
Post
