讚好台灣

Open Now

Now Closed

《💛紅燒牛肉湯麵》🐮呢度嘅所有湯麵都有3款嘅湯底可以選擇，有鮮蕃茄湯、牛肉湯、同埋麻辣湯。小編就揀咗最正宗嘅配搭，牛肉湯配牛筋腩。牛肉湯味道非常濃厚，雖然有啲油但不會覺得膩，蔥蒜味突出，同時帶能出紅蘿蔔嘅甘甜。牛肉看似用牛肋條多過似牛腩，因為比較瘦，毫無肥膩感，肉質炆到好腍好入味。滑溜溜牛筋入口即溶。《💛鹽酥雞湯麵》🐥🍅小編揀咗蕃茄湯，湯底都幾濃，有啲鹹多過酸。鹽酥雞有六舊，炸得夠酥鬆，粉漿冇好厚，略嫌唔夠熱(可能唔係即炸)，味道正常發揮。跟主食+$10可以有珍珠奶茶，味道正常偏好，小編都成杯飲晒，呢個價錢可以接受。整體來講，餐廳都係街坊價，食物質素唔差，值得一試。