Video
Read full review
2023-06-10
331 views
今日係frd屋企玩，佢成日食，今日第一次試土瓜灣嘅茶舍。d姐姐服務態度好好，點解我屋企附近d茶記係串到爆😂😂😂3個人試咗幾款菜式，其中最令我印象深刻嘅係穀飼牛扒，加埋配意粉。牛扒賣相好好，唔係落鬆肉粉牛扒。煮得剛剛好，咬落去啖啖有汁，肉質鮮嫩。個餐配埋龍蝦湯同沙律，好抵食。另外，鮮蜆白酒煙肉蒜香天使麵都值得一試，屬於健康之選。麵條煮得彈牙有嚼勁，加上蒜香汁同煙肉嘅香味，再加上白酒同蜆嘅鮮甜，口感豐富，令人回味無窮。最後，蒜蓉汁香草雞扒蛋包飯都好好味。雞扒煮得嫰滑多汁，蛋包飯夠熱，蛋身蓬鬆，口感好。配上蒜蓉汁同香草，更加提升咗味道。總括而言，土瓜灣茶舍嘅菜式質素唔錯，抵食同埋有人情味。野食份量大份。
3個人試咗幾款菜式，其中最令我印象深刻嘅係穀飼牛扒，加埋配意粉。牛扒賣相好好，唔係落鬆肉粉牛扒。煮得剛剛好，咬落去啖啖有汁，肉質鮮嫩。個餐配埋龍蝦湯同沙律，好抵食。
另外，鮮蜆白酒煙肉蒜香天使麵都值得一試，屬於健康之選。麵條煮得彈牙有嚼勁，加上蒜香汁同煙肉嘅香味，再加上白酒同蜆嘅鮮甜，口感豐富，令人回味無窮。
最後，蒜蓉汁香草雞扒蛋包飯都好好味。雞扒煮得嫰滑多汁，蛋包飯夠熱，蛋身蓬鬆，口感好。配上蒜蓉汁同香草，更加提升咗味道。
總括而言，土瓜灣茶舍嘅菜式質素唔錯，抵食同埋有人情味。野食份量大份。
Post
