Video
Read full review
2021-08-19
263 views
聽住喺大埔嘅朋友話木屋大排檔唔錯，咁啱經過附近，就打算買外賣翻去同屋企人一齊食，見到佢個精選抵食外賣自選套餐都真喺幾抵，我就揀左2款A同1款B，包括小食拼盤，串燒拼盤，生菜包，仲追加左水城牛串燒雞翼同埋椒鹽粟米，成5樣野食，買單都只喺$300零蚊串燒拼盤呢個真喺好高質，真心必嗌，分量好足，有兩串牛，兩串豬，兩串雞，仲有一堆豬頸肉，全部肉食落有陣炭燒香味，就算唔點醬都已經好好味，串燒食落唔會乾，而且肉質都嫩，而豬頸肉香脆可口，真喺會食唔停口。小食拼盤呢個喺小食拼盤都好大份下，有泰式春卷、炸魚餅、脆脆雞翼、家鄉雞卷塊、蔗蝦，雖然喺外賣但都仲脆脆地，不過堂食嘅話應該會再好食啲，脆脆雞翼食落幾似麥當勞嘅脆香雞翼，炸魚餅有冬陰功味，身為冬陰功迷嘅我覺得幾正，而蔗蝦中間會包住蔗條，第一次食覺得都幾得意。生菜包如果平時完全唔食辣嘅人應該唔太食得到，啲肉碎都有一定辣度，雖然我自己handle到，但屋企人就覺得太辣。肉碎唔會乾，食落有肉汁，配上爽口嘅生菜，食得都幾過癮。水城牛串燒雞翼每串都有2隻雞翼，真喺幾抵食下，雞翼燒得好脆，同樣都有陣炭燒香味。椒鹽粟米加20蚊都有呢碟，而且分量都唔少，香甜嘅粟米配上
聽住喺大埔嘅朋友話木屋大排檔唔錯，咁啱經過附近，就打算買外賣翻去同屋企人一齊食，見到佢個精選抵食外賣自選套餐都真喺幾抵，我就揀左2款A同1款B，包括小食拼盤，串燒拼盤，生菜包，仲追加左水城牛串燒雞翼同埋椒鹽粟米，成5樣野食，買單都只喺$300零蚊
串燒拼盤
呢個真喺好高質，真心必嗌，分量好足，有兩串牛，兩串豬，兩串雞，仲有一堆豬頸肉，全部肉食落有陣炭燒香味，就算唔點醬都已經好好味，串燒食落唔會乾，而且肉質都嫩，而豬頸肉香脆可口，真喺會食唔停口。
小食拼盤
呢個喺小食拼盤都好大份下，有泰式春卷、炸魚餅、脆脆雞翼、家鄉雞卷塊、蔗蝦，雖然喺外賣但都仲脆脆地，不過堂食嘅話應該會再好食啲，脆脆雞翼食落幾似麥當勞嘅脆香雞翼，炸魚餅有冬陰功味，身為冬陰功迷嘅我覺得幾正，而蔗蝦中間會包住蔗條，第一次食覺得都幾得意。
生菜包
如果平時完全唔食辣嘅人應該唔太食得到，啲肉碎都有一定辣度，雖然我自己handle到，但屋企人就覺得太辣。肉碎唔會乾，食落有肉汁，配上爽口嘅生菜，食得都幾過癮。
水城牛串燒雞翼
每串都有2隻雞翼，真喺幾抵食下，雞翼燒得好脆，同樣都有陣炭燒香味。
椒鹽粟米
加20蚊都有呢碟，而且分量都唔少，香甜嘅粟米配上椒鹽都幾惹味，食落微辣更加開胃。
Post
