阿來泰式地道風味 (Closed)

行經長沙灣見到呢間泰國菜個招牌好光猛，本來打算去打邊爐都比佢吸引咗轉食呢間！室內環境偏向街坊設計，感覺地道啲親民啲。適逄當日係星期四，咖哩軟殼蟹火山包做梗特價，我同友人都order返一客，軟殼蟹啖啖肉，炸得都香口；咖哩偏甜，與其話佢係咖哩，我會形容係一個蛋茨汁多啲，一眼望落去就見到好多蛋花，點落軟殼蟹食無咁dry。冬蔭公酸辣味好平均，檸檬葉味好香好濃；蝦有四隻咁多好抵食。生菜包一樣好抵食，兩個人食每人都分到五次左右。同樣呢個生菜包肉碎香料味好香，夠濕一啲都唔乾，對我來說可以再辣多少少，不過對於唔食辣嘅人來說呢個辣度已經足夠吊起肉香。最後以兩杯泰式特飲完成今晚嘅晚飯，飲品甜度啱啱好就已經好感恩！最怕太甜嘅飲品！叫咗咁多樣嘢食，埋單先200蚊左右，真係夠晒親民架喇！