新錦園大排檔

Open Now

Now Closed

想食大閘蟹，但又唔想係屋企整 懶得煮洗煮抹，最好出街食，但去舖頭食一定貴啲。最後朋友拉隊去大角嘴街市樓上熟食檔，代客加工煮海鮮，海鮮就自己去旺角街市買。去到當然叫啲少炒啦。潮蓮燒鵝，皮薄肉嫩，鵝肉唔乾有肉汁，非常之入味。椒鹽白鱔，椒鹽味香脆，但都係襯魷魚多啲，白鱔都係豉汁蒸最正，但椒鹽都好香口。瀨尿蝦自己買，一斤有八隻，拎去叫舖頭椒鹽煮，肉質爽彈鮮甜，椒鹽味唔太鹹，好食。蒜蓉粉絲蒸聖子，味道好好，但蒸過左少少，下次炒會好啲，鑊氣夠啲。七兩重大閘蟹，清蒸無有錯。豉油王炒麵，味道係細個仔果啲味。薑汁芥蘭，有啲比較老。整體味道同服務都好好。完全合格，全部連工包料買個人 每人$510 都算好抵食👍🏻