木船泰國粉麵專門店 (Closed)

上左同學屋企一齊死project，做到肚餓見就跟左地頭蟲，一齊叫左佢嘅至愛街坊飯堂外賣！第一次食點知好有驚喜，唔好以為外賣冇質素，真係出乎意料地好食！招牌燒豚肉飯豚肉飯上面鋪滿住腌青木瓜絲，口感清爽好脆口，好重芫荽味。豚肉係醬燒，肥而不膩好惹味！海南雞飯海南雞飯嘅薑黃飯好好食，充滿着雞油同薑黃嘅香氣。好欣賞店舖啲雞全部都係去骨嘅，真係好啱我呢啲食肉獸。而且佢仲有三款醬料俾你點，我最鍾意係嗰個甜甜地嘅豉油膏。青咖哩雞飯青咖哩一入口首先带甜味，之后後勁慢慢辣上喉嚨，味道10分有層次。而且佢係用雞柳啖啖肉冇骨嘅食落好方便，雞柳食落都幾嫩嘅唔會柴。小吃三吃三吃有中華沙律，雞卷同埋吞拿魚。冬陰公湯冬陰公湯味道偏辣嘅但飲到又好香嘅嘢奶味，重口味人士至愛。肉丸紮肉雞湯雞湯應該係用雞骨拗出嚟嘅，飲落充滿住雞嘅鮮味好濃郁。