聚點 (Closed)

星期日，難得是放假中，又出左街，到處走走，行得攰攰地，唔多想去為晚餐而費神，就地搵間小廚餐廳開飯，食得又便宜，又開心，食得飽飽地，才回家，再休息！位於商業區內的餐廳，難免在假日的時候，比較靜左些。餐廳以快餐廳的佈置。聚香雞～呢度出名的聚香雞，當然叫返半隻啦，仲有三種調味料點，隨個人喜愛。半隻雞的份量都可以講是大碟的，雞肉爽滑，嫩滑，有鮮味，一點脂肪都沒有，未到上其它餸菜，已被我們全部送入口中。西湖牛肉羹～湯底超甜味，夠稠身，湯材料夠多，又大碗，每一口都是肉醉、蛋花、加上大量香蔥芫茜，增添香氣。炸大腸～回味無窮的街頭小食，好難再找到食，在這，我地又可以食返，真是懷念。大腸炸得夠火氣，皮脆肉嫩，有嚼口。