海南仔東南亞美食餐廳

Open Now

Now Closed

又來大埔搵食了，原本想去食餃子，但去到發現餐廳無開，望到對面有呢間小店，就即管試下啦。餐廳面積比較細，主要做街坊生意，入面每個客都同店員好熟，雖然我去嘅時候已經兩點，但餐廳仍然差唔多坐滿。顧名思義，呢度主打東南亞食物，星馬越泰都有，但亦有提供中餐，夠晒多選擇。午餐大約四十蚊送湯及飲品，非常抵食。落單後店員好快送上例湯，今日係青紅蘿蔔豬骨湯，湯煲得好出味，蘿蔔亦好淋，比一般茶餐廳嘅例湯好飲。今日食咖喱牛腩飯，咖喱汁微辣，送飯一流，唔夠汁的話可以問店員加，牛腩煮得夠淋入味，份量都幾多，可惜薯仔只有一大舊，亦煮得唔夠淋，食左幾啖就要放棄了。