尋味

Open Now

Now Closed

是日早收工出咗元朗行街，懶得煮飯下買d外賣等太太收工一齊食，來到了人氣外賣店「尋味」。招牌米粉 :可以選擇辣度，即叫即炒鑊氣十足，配料有魷魚、午餐肉、豬肉片等等，米粉炒得乾身唔油膩，小辣下相當惹味。鹹魚雞粒炒飯 :份量十足，一打開盒蓋即刻傳來強烈鹹魚香氣，炒飯呈金黃色，粒粒分明，軟硬適中，入口滿口鹹香味。跟餐加七蚊有明火靚湯，老闆娘話每日都新鮮煲，天天唔同款，無落味精下飲得出火喉十足。手打牛肉餅 :一碗大約有十多塊，肉質爽口彈牙，牛味香濃，配埋清甜嘅湯，好好味。自製豬軟骨 :炆得好淋好入味，味道甜甜地送飯一流；另外仲有d薯仔粒，吸收晒湯汁後份外惹味。