Video
Read full review
2022-02-20
602 views
回憶晚市仲有堂食時光 - 上年12月時朋友帶咗我去一間比較街坊嘅茶餐廳食飯，朋友話呢間都幾多人食㗎，我哋6點幾去到已經8成滿，7點已經 full 晒！🍴滋補羊腩煲配時菜（$118）羊腩煲都幾大煲，羊腩真係算幾多，都有成9-10 舊，都大大舊，有時百鬆D蚊嘅羊腩煲得5-6 舊… 羊腩煮到夠腍，好入味，個湯汁都好濃郁，用嚟撈飯好正，配兩大碟腐乳，配料足，有枝竹、筍、馬蹄、粟米、紅蘿蔔，呢個真心好食，尤其係呢種凍凍哋嘅天氣！不過我會建議餐廳可以考慮例如+$5 加配白飯就會更 make sense！🍴檸檬可樂（羊腩煲加配$6）一般嘅檸檬可樂係用一片片檸檬，可樂另上，而呢度係檸檬汁，幾有趣！另外我哋叫咗個二人套餐（$138）🍴涼瓜炆魚塊煲味道幾好，魚塊都有6-7 舊，外面包住嘅炸粉唔算好厚，涼瓜份量都多，幾足料！🍴薑蔥霸皇雞呢個有少少失望，薑蔥味唔算太夠味，重點係雞肉煮得好嚡口，呢個唔好食！🍴足料燉湯二人餐跟嘅燉湯，都幾大盅，見到入面有蟲草花、有瘦肉，都幾多料，味道都 okay，當然冇話好似燉湯專門店嘅咁好飲，亦都似有加咗少少味精嘅感覺，不過跟餐嘅燉湯嚟講佢都不過不失！整體上茶餐廳嚟講係坐得舒服
🍴滋補羊腩煲配時菜（$118）
羊腩煲都幾大煲，羊腩真係算幾多，都有成9-10 舊，都大大舊，有時百鬆D蚊嘅羊腩煲得5-6 舊… 羊腩煮到夠腍，好入味，個湯汁都好濃郁，用嚟撈飯好正，配兩大碟腐乳，配料足，有枝竹、筍、馬蹄、粟米、紅蘿蔔，呢個真心好食，尤其係呢種凍凍哋嘅天氣！不過我會建議餐廳可以考慮例如+$5 加配白飯就會更 make sense！
滋補羊腩煲配時菜
33 views
1 likes
0 comments
🍴檸檬可樂（羊腩煲加配$6）
一般嘅檸檬可樂係用一片片檸檬，可樂另上，而呢度係檸檬汁，幾有趣！
另外我哋叫咗個二人套餐（$138）
🍴涼瓜炆魚塊煲
味道幾好，魚塊都有6-7 舊，外面包住嘅炸粉唔算好厚，涼瓜份量都多，幾足料！
涼瓜炆魚塊煲
30 views
1 likes
0 comments
🍴薑蔥霸皇雞
呢個有少少失望，薑蔥味唔算太夠味，重點係雞肉煮得好嚡口，呢個唔好食！
薑蔥霸皇雞
21 views
0 likes
0 comments
🍴足料燉湯
二人餐跟嘅燉湯，都幾大盅，見到入面有蟲草花、有瘦肉，都幾多料，味道都 okay，當然冇話好似燉湯專門店嘅咁好飲，亦都似有加咗少少味精嘅感覺，不過跟餐嘅燉湯嚟講佢都不過不失！
足料燉湯
23 views
0 likes
0 comments
整體上茶餐廳嚟講係坐得舒服嘅，食物質素唔錯算係中上，店內嘅職員就可能唔多夠，坐得近出菜位嘅就會照顧得好D，坐得遠少少嘅我哋，揮咗手好耐都冇人理我哋，要走去收銀同佢講要落單，隔咗一陣先叫到人嚟落！
Post
