ラーメン味

Open Now

Now Closed

當日岀街走到去中西區買啲嘢，買完見一點幾都有啲肚餓，行行吓見到有間街坊式嘅日本飯堂，諗諗吓好似好耐冇食過吉列豬扒，見menu有，ok，入得。餐廳入面得兩個職員，其中一位我相信係老闆娘，另一位係廚房入面嘅師傅。餐牌上除咗我想要嘅吉列豬扒仲有其他選擇，仲有拉麵、便當、定食同埋其他款式嘅飯。碟吉列豬扒飯好快上枱，跟餐送多碗味噌湯。豬扒飯嘅份量比我想像中大，睇餐牌上面張相冇諗過咁大碗。味道方面亦唔錯，洋蔥同菇口感啱啱好，唔會太腍，主角豬扒都入味，而且層炸粉唔會太厚。整體而言，可以encore食多幾次。