金滿都越南餐廳 (Closed)

今日屋企冇煮飯，又唔想去太遠搵食，於是決定落樓下兜個圈，睇下有冇野啱食，行到去元州商場嗰邊，我哋唔算太肚餓，想食得簡單啲，咁啱見到呢間越南餐廳，有生熟牛肉河，決定入去試一試，畢竟喺度住左咁多年，都冇係呢間餐廳食過飯話就話唔係好肚餓，但一入到去認真睇下個Menu，好似好多野都想食喎，叫下叫下，最尾都係叫咗一大堆，真係食到捧住個肚走老細重點推介我哋食呢個小食拼盤餐，係期間限定嚟㗎 除咗個拼盤之外，$68係包埋sake嘅，仲有兩款揀一款，老闆話”紀土”曾經拎過獎，好喇，就要呢款試下我聽日要返工，唔敢飲太多，不過輕輕呷一細杯，估唔到係越南餐廳，以呢個價錢，可以飲到性價比咁高嘅sake,真係好唔錯連埋個小食拼盤，真係必叫架，我鍾意食拼盤，就係因為佢每款份量少，但款式夠多，可以咩都試吓，我最欣賞係佢個蔗蝦同春卷，蔗蝦入面條甘蔗好甜好多汁，而春卷，係網面嗰隻，脆口又熱辣辣，好味我哋另外亦叫咗牛肉同雞肉串燒，沙嗲汁惹味唔再講，欣賞牛肉夠林，仲有少少黑椒味，唔錯到主食啦，因為我哋都算叫得多小食，所以我哋都係叫咗一碗火車頭湯河share ,估唔到佢都幾大碗，差啲食唔晒添，火車頭個名咁得意，其實即係咩都有啲