鴻運車仔麵

Open Now

Now Closed

呢間長沙灣嘅街坊車仔麵店，平時都好受歡迎，因為又平又好食。尤其係佢獨有嘅貢丸片，其他店都未見過有，炸後外皮香口之餘，入邊又有咬口。而白蘿蔔亦都好清甜，冇渣。豬腸亦都洗得好乾淨，入味之餘又爽口。呢幾款餸都係好推薦，係必叫。至於韭菜餃都係新鮮包製，不過外皮略嫌有點厚，如果薄身啲會更好。午餐肉都有兩片大大片，味道正常，不過不失。呢幾款餸都係$9一樣，件數又不少，真係好抵食。而兩個麵底都係叫咗河粉，河粉係幼身嗰隻，可以吸多啲湯汁，好味啲。