囍慶藝廚酒家 (Closed)

慶祝一下上了年紀的同事的生日，就選了間近近地的酒樓叫了個龍躉開心宴六人餐，主要是海鮮類餸菜，包茶芥加一、一枝大生力啤和一渣澄汁，如果六位計落每人都是$150。是日老火靚湯售罄轉左粟米魚肚羹，口感可以接受，不會太稠。燒鵝拼叉燒，叉燒好出色，半肥瘦，蜜汁味香濃！不過份量不夠，每人只有兩舊，反而燒鵝份量多，抵食。上湯大蝦球伊麵最正！個汁非常出色，加蔥花和伊面食好好吃！🍤都大舊，幾鮮甜，呢道菜💯礦泉水灼活鮑魚，幾新鮮，不過沾蠔油怪怪地。西蘭花炒龍躉球鑊氣夠重，龍躉大片，西蘭花都炒得很香口。最後一道甜酸菜浸龍躉頭腩，勝瓜幾淋幾好吃，但甜酸菜超鹹，唯一敗筆。整體食物都不錯，不過份量就有點小，我們五個人都是剛剛夠，但價錢夠經濟實惠。