元札幌拉麵 (宇晴軒商場) (Closed)

今日嚟咗呢度食飯係因為朋友喺附近住。餐廳位於一個屋苑商場內，地點就腳但係呢句比較少嚟。六點幾餐廳仲未坐滿，可以見到座位相對寬闊。叫咗一個鐵板燒牛舌。牛舌切得好薄，放喺鐵板上面微微焦香，醬汁酸酸甜甜，加上蘿蔔蓉，中和牛舌嘅肥美。蒸茶碗蛋，充滿蛋香同果淋嘅味道。唔算超滑但係不過不失。拉麵嘅種類好多，今次揀咗Ankake拉麵（ $68 ），普通嘅醬油拉麵。呢個價錢，份量都算大。北海道櫻花蝦拉麵（ $88 ），湯底比起普通豬骨湯稀，清清淡淡。拉麵質感比較爽，配料方面都出手闊綽。