Video
Read full review
2010-04-29
48 views
荃灣啲泰國菜真係唔多，有朋友仔話成日見到呢間野有人排隊，咪唸住試下囉。大約七點已經見到有人等緊位，我地一行6人，大約等左15分鐘，唔算太耐；坐定定之後，望下周圍啲環境，唔係D咩豪裝，完全係做街坊生意啲感覺；侍應啲服務都係一般啦，唔係特別差，不過個餐牌就唔係咁乾淨，我自己就最憎D餐牌濕濕地…事關係人都用對手摸過，都唔知係D咩水黎架嘛…好彩有帶定消毒濕紙巾；order左啲餸菜都好快送上，而且亦冇溜單，今晚叫左：泰式拼盤(蝦餅、魚餅、春卷、香葉雞每樣各2)唉…個蝦餅應該好食掛，因為皇太后一放入口話好食，立即就encore食第2件…(都唔理人地感受啲)，咁我唯有夾件魚餅啦，好彩個魚餅啲質感都彈牙，仲有少許啲檸檬香草味；個香葉雞都ok，唔乾身，未入口已經嗅到少許啲班蘭葉香味；不過春卷就嘛嘛地，就個樣黎睇就一D泰式啲感覺都冇，而且仲好似我地去飲茶果D廣東點心咁，味道都還可以，不過就一D都唔似泰式春卷囉；佢地比啲醬料都好一般行貨，冇咩驚喜。沙爹串燒(豬、牛、雞每樣各2串)，雞串ok；豬串燒得太乾，肉質又”鞋”口；牛串好多筋，而且好明顯係用梳打”那”過，冇咩味道可言...反而個沙爹醬汁好香濃、好惹味。
泰式拼盤(蝦餅、魚餅、春卷、香葉雞每樣各2)唉…個蝦餅應該好食掛，因為皇太后一放入口話好食，立即就encore食第2件…(都唔理人地感受啲)，咁我唯有夾件魚餅啦，好彩個魚餅啲質感都彈牙，仲有少許啲檸檬香草味；個香葉雞都ok，唔乾身，未入口已經嗅到少許啲班蘭葉香味；不過春卷就嘛嘛地，就個樣黎睇就一D泰式啲感覺都冇，而且仲好似我地去飲茶果D廣東點心咁，味道都還可以，不過就一D都唔似泰式春卷囉；佢地比啲醬料都好一般行貨，冇咩驚喜。
沙爹串燒(豬、牛、雞每樣各2串)，雞串ok；豬串燒得太乾，肉質又”鞋”口；牛串好多筋，而且好明顯係用梳打”那”過，冇咩味道可言...反而個沙爹醬汁好香濃、好惹味。
冬陰公，每次食泰國菜都必叫啲菜式，呢到啲賣相好似好辣，而且用個爐heat住上，可以慢慢嘆~不過個人口味應為加多少少椰奶同南薑會更香，而且椰奶可以中和D辣味；材料方面，用左中蝦，亦夠新鮮，加埋新鮮啲草菇，香茅味好出，但D香茅又唔係拍得好碎喎；不過唔知點解有番茄，從未飲過加左番茄啲冬陰公…
泰式生菜包，碎肉炒得很香口，又唔多肥肉，其中仲有馬碲、豆角粒、九層塔、應該仲有切碎啲紅蔥頭，魚露啲咸、青檸啲酸、紅椒啲辣，好似好濃味咁，但係用生菜包住一齊食，口感頓時清爽，食多件都唔覺得膩，不過就越食越辣~ 如果D生菜能夠多幾片仲好，因為個生菜包太大的話，食起黎就比較麻煩，一放入口D肉碎就飛哂出黎…唔係咁好睇嘛~
泰式海南雞，雞肉好滑，D雞皮又唔肥，如果能夠去埋骨就仲好(啱哂我地呢D懶人)；醬汁鹹鹹酸酸咁好醒胃，可惜碟雞啲份量就細左D，如果去埋骨咪…
蝦醬炒飯，最鬼鍾意呢個炒飯，雖然配料唔多，只有香腸、雞蛋、肉鬆，但係個炒工就OK，飯炒得夠乾身，粒粒分明，食落去一D都唔覺油膩；蝦醬炒香左，果”陣”咸香味真係好鬼香！
馬拉盞炒通菜，馬拉盞味夠濃，夠鑊氣，通菜亦新鮮脆嫩，可惜油就多左少少。
香芋椰汁西米糕，一個好傳統啲泰式甜品，椰汁加上芋頭，又唔係太甜，一個字…得！
椰青大菜糕，椰汁大菜糕食得多，椰青大菜糕就小見D，幾清甜，幾好食，而且呢個係免費架，OK啦~
我間唔中都去食泰國野，呢間價錢算唔貴，菜式都係一般啲傳統泰菜，普普通通，無咩驚喜；不過響荃灣區黎講算OK，如果唔想特登出去搵野食醫肚的話，呢間不防係一個選擇。
Post
