Video
Read full review
2011-10-03
25 views
第二次同屋企人去TUM YUM THAI開飯雖然之前只係食過一次，但我一直對呢個餐廳印象唔錯。主要原因係嘢食幾好食，而且比起一般有少少裝潢嘅泰國餐廳抵食得多，所以如果有朋友想食泰國菜，TUM YUM THAI都係我首選推介。去到大約七點半，屋企人已經點好菜了。當時都仲有位可以直接walk-in，不過食食下已經full house，閒日黎講、生意唔錯。我地四個人叫左六樣嘢: 烤蝦餅、沙嗲雞肉串燒、青木瓜沙津、冬陰公湯河、炒粉絲同青咖哩。脆炸蝦餅好好味!! 外型十足水泡餅咁，熱辣辣應該係新鮮炸起。我覺得蝦肉都幾彈牙，配埋泰式辣醬好正!!第二樣食嘅係青木瓜沙律!! 我覺得好好食。因為其他食肆比較少賣青木瓜沙律，就算有都幾貴下，而家$30每人少少開下胃口唔錯。講返味道，由於上次食辣得濟媽咪食唔到仲咳到死死下，今次就叫左小辣。小辣仲試到沙律嘅真味，青木瓜同紅蘿蔔絲配上花生碎，味道酸辣清新爽口，正!!之後獨食左一條雞肉串燒 雞肉好好肉，唔似得啲「沽寒」鋪頭得兩、三粒肉丁，而係真係一串串雞柳。食落仲有炭燒味道，讚好!! 不過我覺得沙嗲汁有待改善，唔係話唔好食，不過質地比較稀，花生碎又不足，似咖哩多啲
雖然之前只係食過一次，但我一直對呢個餐廳印象唔錯。主要原因係嘢食幾好食，而且比起一般有少少裝潢嘅泰國餐廳抵食得多，所以如果有朋友想食泰國菜，TUM YUM THAI都係我首選推介。
去到大約七點半，屋企人已經點好菜了。當時都仲有位可以直接walk-in，不過食食下已經full house，閒日黎講、生意唔錯。
我地四個人叫左六樣嘢: 烤蝦餅、沙嗲雞肉串燒、青木瓜沙津、冬陰公湯河、炒粉絲同青咖哩。
脆炸蝦餅好好味!! 外型十足水泡餅咁，熱辣辣應該係新鮮炸起。我覺得蝦肉都幾彈牙，配埋泰式辣醬好正!!
第二樣食嘅係青木瓜沙律!! 我覺得好好食。因為其他食肆比較少賣青木瓜沙律，就算有都幾貴下，而家$30每人少少開下胃口唔錯。講返味道，由於上次食辣得濟媽咪食唔到仲咳到死死下，今次就叫左小辣。小辣仲試到沙律嘅真味，青木瓜同紅蘿蔔絲配上花生碎，味道酸辣清新爽口，正!!
之後獨食左一條雞肉串燒 雞肉好好肉，唔似得啲「沽寒」鋪頭得兩、三粒肉丁，而係真係一串串雞柳。食落仲有炭燒味道，讚好!! 不過我覺得沙嗲汁有待改善，唔係話唔好食，不過質地比較稀，花生碎又不足，似咖哩多啲。
炒粉絲就真係普普通通，好似無咩味咁，得芽菜同蛋碎撈埋。不過媽咪話粉絲好難炒得好架，咁都煙un嘅，合格啦。
可能我唔太食得辣，呢度嘅冬陰公幾合我胃口。嗰種辣味輕輕的，入到喉嚨先有微微刺激感覺。而且配料多，蝦仔、草菇仔都吸晒湯味。不過我唔鍾意連河粉...河粉同普通魚蛋粉嘅河粉一樣、無甚特別。我寧願飲一大碗冬陰公
青咖哩雞連飯上。不過我無試...對青色嘅食物有少少抗拒 (個人怪廦，與人無尢)，媽咪同家姐用黎撈飯食，話一啲都唔辣，而且食得出落左好多椰汁去煮，怕辣朋友可以試下。
臨走打包一盒泰式金邊粉俾妹妹食。一炒起我就八卦偷偷打開外賣盒。嘩好香呀朕甜酸味，個粉仲好濕身。早知食呢個唔食炒粉絲啦 (我心諗)。
總結: 餐廳算係好簡潔，但唔多唔少都有啲泰式裝飾，燈光稍暗但幾舒服。出去cashier埋單時仲驚見小時候婆婆屋企嘅撥輪式電話，令人興奮。
食物味道中上，雖不至於驚為天人但甚有誠意，起碼蝦餅、串燒等都熱辣新鮮。街坊價錢，算係抵食。
(P.S. 臨走見到隔離枱食爐魚同咖哩蟹，條魚好香、咖哩蟹外觀好吸引，希望下次有得試)
Post