信得過 (Closed)

兩個人食左三樣野。高度推薦黃沙豬潤，大塊清甜而不沙。雞湯底肯定落足料冇味精！粉腸清得乾淨利落，冇粉既感覺。湯底加左小小胡椒，香料味。新竹米粉細幼！豬挽手腩筋肉相連，肥而不膩不羶。口感當然冇得同牛腩比，但係性價比高，大碟又抵食！只係大概80一碟下次想試一試豬脆脆，即係豬喉嚨，又叫豬天梯。另一樣想試既係萬綠叢中半隻雞，因為本人超愛食葱。另外伙記們態度好，完全好似番左屋企咁！見倒入去既客好多都會同舖頭既人傾計，估計應該都係做開街坊生意。舖頭內籠闊落，架步清𥇦。多人既都可以叫烤魚同豬雜煲。