慶記 (Closed)

店面裝修新潮，感覺舒服，而且客人唔多，環境比較安靜。入到店後大約等五分鐘就有店員安排入座，然後就可以用QR Code 自助入單。口水醉雞卷採用無骨雞腿嘅冷盤，肉質嫩滑，醉香濃郁。XO醬蟹肉小籠包小籠包皮薄，湯汁滿溢。XO醬味道突出，雖然餐廳有提供醋，但我覺得唔需要沾醋都可以，加醋反而唔夾。香酥排骨慶麵招牌慶麵採用本地製日式拉麵，每日新鮮製作，麵質爽口彈牙。香酥排骨炸得香脆，份量都合理。茶燻煎軟雞撈麵茶燻煎軟雞個名比較特別，原來係炸雞扒，口感同香酥排骨相若。撈麵有啲驚喜，滷肉帶豬油香，醬汁同麵質非常配合。