三姐松記糖水 (Closed)

呢間三姐松記糖水已經留意左好耐不過一直都冇去試，今晚同家人一齊去食下。地方都算大嘅不過就略為昏暗同埋有些少殘夠。打開menu，甜品種類好多，自己都有好多款心水。又有傳統糖水可以啱父母食。第一個上嘅係椰皇蛋白燉奶，一出來熱辣辣，椰香撲鼻加暖粒粒嘅燉奶，最後椰肉都可以食埋。之後叫左個特盛宇治芋圓仙草凍：綠茶雪糕一上嚟吃最吸引我嘅，綠茶味如果可以再重啲苦澀嘅綠茶味就最適合不過啦，可以平衡返甜品嘅甜味。加上紅豆、仙草凍 、芋圓、地瓜圓及紫薯圓的牛乳裏，口感綿密。不過芋圓等味道略為平淡，而且口感不足。最後最愛食榴槤嘅榴槤精既我，點個榴槤處處最適合不過。D24榴槤班戟我覺得非常之值得讚許因為充滿榴槤肉真材實料，真係有好多榴槤肉喺度激讚！加榴槤味雪糕，都係非常之香濃嘅，食得出係用咗唔少榴槤肉！再配滿滿一杯有鮮榴槤肉嘅紫米露，味道極之豐富。另外都想試吓糯米釀雞翼，由辣辣地。可以作為平衡下。金黃嘅雞翼睇得出顏色帶啲紅紅嘅估唔到一食落去都真係幾辣喎係好惹味。不過就略為個糯米唔夠咬口，太軟身。我哋喺鋪頭食嘢嘅期間都睇得出係唔少街坊熟客去光顧樣嘢，街坊情係毋庸置疑嘅。不過如果店內嘅服務質素啦同埋裝修整潔度等等