泰國人海南雞 (福榮街)

Open Now

Now Closed

早幾日熱到爆，是但行入一間食飯，估佢唔到，一個飯餐都係50-60蚊，大大份，味道都唔錯，好抵食。泰式海南雞配雞油香飯及湯餐廳名叫得海南雞，啲雞一定有返咁上下保費證，雞好多舊，全部都好滑，皮都唔會油膩，而且好重雞味！飯就有啲唔夠香，湯都係普普通通啦。冬蔭公湯除咗個雞飯，我另外加咁個冬蔭公，一上己經覺得正，個湯入面超多香料好足料，一飲落去辣度剛剛好，每啖都食到唔同嘅配料，莞茜，菇同蕃茄仔。最後加埋個湯（跟餐加）同埋本身餐跟嘅湯，總共飲咗兩個湯，同埋飲品，都係70-80蚊，呢個價錢呢個質素同份量，我好滿足啦～