芋圓一 (Closed)

楊枝甘露芋圓好味！濃稠度適中，柚子和芒果肉清新，唔太甜，芋圓又煙韌！$38價錢公道！抵過去許留山是旦食一碗芒果野。但個芋香芋圓真係麻麻地⋯⋯建議你唔係好鐘愛芋頭味嘅都係唔好試。因為啲芋香醬太濃厚，又重味，感覺食緊成個芋頭加椰子入口，食幾啖已經飽左。由於芋香醬太重太甜，蓋過哂啲芋圓珍珠薏米味，已經唔知自己係飲緊醬定食芋圓⋯⋯🥴好後悔冇點傳統芋圓！值得一讚係份量都大碗嘅⋯⋯而且乾淨衛生，服務態度良好。去開大角咀會再返黎食。