撈喜 (Closed)

同事介紹，筲基灣東大街有一間專食花膠既舖頭，而且係花膠撈面。咁特別既舖頭緊係要去試一試啦。麻辣雲耳 - 唔算好辣，都唔算係十分之麻，而且好醒胃。而且涼拌菜式，最啱而家咁熱既天氣食呀啦。麻辣豚肉撈 - 呢味既麻辣比雲耳輕微，但係就覺得無太大特色啦。可能我一心想食花膠，所以就對呢味無太大興趣。招牌花膠撈 - 花膠既數量都唔少，而且仲係好淋。配上花膠汁黎撈面，真係好好味。而面就唔會煮得太淋身。基本上都算係幾好。黑松露花膠撈 - 呢個同招牌花膠撈其實就差唔多，只係加多左黑松露。黑松露既味道唔會太過出，食落都唔錯。香煎牛柳粒 - 本身肉粒本身已經好淋，而且仲有好多汁，係覺得肉味唔係好夠。份量方面就比較多，5-6人食都可以做到一人幾舊。