富華酒樓 (Closed)

冬至係中國人其中一個大節日，夜晚梗係要返屋企食團圓飯啦🍚🥢 媽媽為咗呢餐飯已經忙咗幾日，來來回回街市都幾次，睇到都辛苦。近近地去同爸爸媽媽去隔離屋村茶樓，食啲嘢飲杯茶先繼續工作☕️平時我甚少過嚟 #富華酒樓 食嘢，因為好怕食餐飯左等又等花幾粒鐘😅 不過爸爸媽媽鍾意一盎兩件就就吓佢哋🤤 近排 #富華 似乎裝修過，外觀比似前乾淨咗，點心質素都無以前咁求其👍🏻今日我哋食咗碗 #燒腩仔湯米粉 尤其好味，皮脆不特止，上枱仲係熱熱地嘅... 正！至於其他點心都係普普通通咁啦，街坊口味囉😝