九町屋 (Moved) New Location

自從第五波疫情之後出街搵食次數變得少之又少，一除低口罩就就極度恐慌，食餐飯好似搵命博咁，哎！不過有時都會心郁郁近近地食啲野，但又遇上好多食店都關閉避疫，唯有隨便響屋企附近速食。@九町屋見價錢實在太貼地，店員又鬼死咁落力sell，真係覺得搵食艱難，要支持吓小店。日式居酒屋裝潢，以狸貓作主題，容易令人留下印象。兩人也要吃得豐富啲，叫左飽肚野，六十蚊吾使有個窩，性價比無得輸，又冇加一，人均消費一舊水有找，仲想點？咖喱海鮮鍋（配米飯）$55店員力推又試吓，以日本甜咖喱煮成湯底，味道也挺濃且杰，用上原隻大頭蝦，蝦肉有彈性，還有兩隻細蝦、北寄貝、金菇、日本蛋、菜、菇和粗粉絲墊湯底，就算冇碗白飯都絕對夠飽。豬軟骨拉麵$49湯底有得揀，我哋揀咗豬骨湯拉麵較粗身，掛湯有彈性；豬軟骨入曬醬油味，炆得好稔，入口半溶化，但係嫌佢吾夠大件，有啲碎濕濕。九町屋香煎帶子腸 $35帶子腸成條腸粉咁，口感和味道其實似魚蛋，鮮味好得出不過有啲吾自然。雞軟骨小丸子 $29這是雞軟骨連肉，真係又香又啖啖肉，我喜歡。飲品跟餐只係加$10，冇唔飲嘅理由。熱蜂蜜檸檬紅茶凍水蜜桃綠茶一定要叫凍飲，因為打卡一流，以日本清洒樽奉上，飲品