皇室冰廳 (Closed)

疫情持續，唔想喺屋企日日食公仔麵，都只能夠到屋企附近食嘢，發現有間街坊冰室，似乎唔錯。店仔細細但係都算坐得舒服。晚上一來到就先將兩碗冇味精湯水奉上大大嚿豬骨，個湯都有啲鮮味。佢有晚市套餐亦都有炒粉麵飯，價錢都算實惠。亦都有一系列小菜，今晚我決定要條蒸倉魚，其實係見到隔離枱條魚唔錯。即點即蒸要等耐少少，條魚都算大條。個楊州炒飯都有啲鑊氣想健康啲仲可以加錢要蒜蓉炒時蔬跟餐杯絲襪奶茶都算幾滑。做街坊生意，都係比較誠實。