小食皇大排檔

Open Now

Now Closed

小食皇大排檔前身係牛下老字號文記車仔麵，雖然轉左手，但係提供嘅食物同之前差唔多，最出名嘅煎釀三寶同魚肉碗仔翅依舊保留，不過今次我就試咗佢嘅車仔麵。呢度嘅車仔麵最低消費 $32，計埋麵底，大約就係三餸。我揀咗水魷魚，蘿蔔同蝦餅，餸嘅份量正常。味道方面，蘿蔔夠腍夠甜，唔錯；蝦餅冇乜蝦味，反而有啲似魚腐，都 ok 好食；至於水魷魚就冇乜味，不過口感夠爽滑。特別想講下佢嘅秘汁，係好稠嘅芡汁，有啲似煎釀三寶個汁，我覺得同車仔麵唔係咁夾，下次剩係要腩汁就夠。