同和粥麵 (Closed)

呢間野係香港仔好多年，基本上你叫咩佢都會整比你，上至即炒小菜，煲仔飯，下至粥品，雲吞麵，乜都有得食。今日食晚餐，試試佢。先黎既係生滾粥，一叫即滾即上，快靚正。家下七點幾都仲食到油炸鬼仲要脆，都算係咁。至於材料，算新鮮，個人黎講都夠味，唔夠亦可以點是油。仲有兩個煲仔飯，蛋牛和北姑雞，雖然唔係好平，$55黎講即整煲仔飯都唔算貴，凍飲要再加多5蚊。先講蛋牛，個牛肉算滑同彈，個蛋就差少少，因為上枱時，要開煲加是油再焗一焗，就係呢下個蛋老左⋯⋯⋯⋯如果唔係就好完美。佢個甜是油係靈魂所在，成個飯咁好食都係靠佢，加是油焗一焗，打開撈勻，你睇個飯底就知！！！菇夠滑，好味！料夠足，雞滑，可惜比較肥！整體來說，地道街坊生意，價錢合理，味道不差。