Video
Read full review
2020-01-10
212 views
呢間我已經食過好多次，能令人不斷回頭的原因，除了因為顏色,不外乎是物有所值！呢間訂價合理不用加一，選擇多，質素穩定，雖是一般茶記格局，快食快走，但作為日常飯堂一流。.水門雞飯（$50）是招牌必食，雞肉滑嫩，無骨切條，配惹味泰式辣醬， 飯粒比雞更印象深刻， 均勻沾上雞油的絲苗米粒粒分明，又有咬口，比同價錢水平的飯出色，給個讚。豬手飯（$50）豬手入味濃味，肉不滑但唔會梅，膠質豐富，都係我常點的菜色，但留意番有d皮位有毛要自行處理。辣肉碎沙律（$58）我當佢係生菜包啦，呢個都做得幾辣，真係有泰式地道風味，炒得乾身得黎都仲有肉汁，香辣惹味，送飯一流，有時會想淨買呢個回家加餸。飯類都送湯，有粒蘿蔔，胡椒味重都幾辣！冬天飲好暖胃！飲品方面，都是大杯抵飲，龍眼冰（$18）龍眼味不濃但還可以；菠蘿冰就偏甜（$24），味道人工，色素糖水一杯，個人就不推介， 但公道d講，汽水都係一樣姐，呢杯適合喜愛幼滑香甜沙冰人士。PS. 呢度仲有粉麵船河等，不過覺得飯抵d；但有次食外賣炒金邊粉，好正食得過。PS. 要齊人先入得嫁。
呢間我已經食過好多次，能令人不斷回頭的原因，除了因為顏色,不外乎是物有所值！呢間訂價合理不用加一，選擇多，質素穩定，雖是一般茶記格局，快食快走，但作為日常飯堂一流。
.
水門雞飯（$50）是招牌必食，雞肉滑嫩，無骨切條，配惹味泰式辣醬， 飯粒比雞更印象深刻， 均勻沾上雞油的絲苗米粒粒分明，又有咬口，比同價錢水平的飯出色，給個讚。
豬手飯（$50）豬手入味濃味，肉不滑但唔會梅，膠質豐富，都係我常點的菜色，但留意番有d皮位有毛要自行處理。
辣肉碎沙律（$58）我當佢係生菜包啦，呢個都做得幾辣，真係有泰式地道風味，炒得乾身得黎都仲有肉汁，香辣惹味，送飯一流，有時會想淨買呢個回家加餸。
飯類都送湯，有粒蘿蔔，胡椒味重都幾辣！冬天飲好暖胃！
飲品方面，都是大杯抵飲，龍眼冰（$18）龍眼味不濃但還可以；菠蘿冰就偏甜（$24），味道人工，色素糖水一杯，個人就不推介， 但公道d講，汽水都係一樣姐，呢杯適合喜愛幼滑香甜沙冰人士。PS. 呢度仲有粉麵船河等，不過覺得飯抵d；但有次食外賣炒金邊粉，好正食得過。
PS. 要齊人先入得嫁。
Post
