意八餐廳 (Closed)

兩個人假日去食午餐，唔駛等位，點左百里香烤雞忌廉意大利飯和脆脆炸魚柳伴鮮菌蒜蓉汁珍珠飯。 價錢倘可接受。等左陣就黎左杯奶茶，但少咁一截，問過員工，佢同我換過一杯都係一樣，但我見隔離枱個杯係滿。杯奶茶普普通通，奶味比較重，唔算好飲又唔難飲。脆脆魚柳飯到左， 條炸魚都幾脆， 個蒜蓉汁都ok，賣相唔錯， 50蚊黎講都算成正比。個意大利飯比我地想像既唔同，以為會有塊烤雞係上邊，原來佢係撈埋一碟。佢碟飯唔係係用意大利米，係珍珠米，同埋好咸，真係扣晒分。總結，間餐廳普普通通啦，唔會推介比朋友，未來應該有機會再食。