SuperNormal (淘大商場2期)

Open Now

Now Closed

住附近嘅人，對呢間餐廳應該唔會陌生，因為已經開咗好多年，而且一直都保持到食物高質素，價錢唔貴。呢度最招牌就係食豬手，入到去見到做緊特價$98，就即刻下單豬手先。佢有三款味道選擇，我哋揀咗香蒜黑椒脆皮鹹豬手，因為佢係現做，起碼都要25分鐘。所以攻略係落咗單豬手再慢慢揀嘢飲同其他嘢食。芥末牛肉沙律，牛肉嫩，大約medium，味道剛好，沙律菜新鮮。推介雙色芝士焗蟹肉大啡菇，好多餡料，食到蟹肉同埋啖啖芝士，口感豐富。青瓜薄荷青檸梳打 ，好fresh，咁熱嘅天氣啱晒。朋友的士多啤梨熱情果梳打我就沒有試。食完沙律同大啡菇，豬手啱啱上桌，時間剛剛好，好大隻，皮脆肉多，仲配有德國酸菜。叫咗件芝士蛋糕，估佢唔到，賣相靚不特止，味道真係好唔錯，唔會太甜，又有香濃芝士味，尤其是個餅底，牛油味好香。餐廳氣氛幾好，招呼都唔錯。