Video
Read full review
2011-12-11
100 views
呢間大家食n年之前喺佐敦道，舖大啲、食客多啲同埋平啲；但唔記得幾時搬咗嚟上海街一間較細嘅舖同埋啲麵貴咗好多。話明係街坊麵店，呢度嘅環境同service當然比較街坊，但勝在全部都係卡位，坐得都舒服。而且仲有電視機，所以唔少食客都可以邊睇電視邊食麵。雖然話呢度貴咗，但喺呢個百物滕貴嘅時代，呢度已算係價廉物美。廿幾蚊一碗麵，大大碗，而且味道唔算差，12點前仲只係$17一碗，唔怪之得咁多街坊幫襯。湯底有3款，原味、酸辣同麻辣。麵亦有幾種可以選擇，出名嘅應該係手攪麵同削搖麵。我order嘅係上海粗麵配酸辣湯底+炸豬扒，中辣。雖然嗌咗唔好咁淋嘅麵，但最後麵都係比較淋，冇咬口。湯ok，辣同酸味較出，但冇嘜層次感。豬扒啱啱炸起，熱辣辣。起初都有啲脆，但由於起菜時已放喺湯面，所以淋得好快。但整體嚟講還算可以。值得推介嘅係呢度嘅辣菜甫，有咬口得嚟又夠辣。所以建議嗜辣人士不妨可以試吓；唔食得太辣嘅可以亦order唔辣或小辣嘅麵，然後再加啲辣菜甫，會好味啲。但留意調味料要出去櫃枱擺架，記得要加啲呀！
話明係街坊麵店，呢度嘅環境同service當然比較街坊，但勝在全部都係卡位，坐得都舒服。而且仲有電視機，所以唔少食客都可以邊睇電視邊食麵。
雖然話呢度貴咗，但喺呢個百物滕貴嘅時代，呢度已算係價廉物美。廿幾蚊一碗麵，大大碗，而且味道唔算差，12點前仲只係$17一碗，唔怪之得咁多街坊幫襯。
湯底有3款，原味、酸辣同麻辣。麵亦有幾種可以選擇，出名嘅應該係手攪麵同削搖麵。我order嘅係上海粗麵配酸辣湯底+炸豬扒，中辣。
雖然嗌咗唔好咁淋嘅麵，但最後麵都係比較淋，冇咬口。湯ok，辣同酸味較出，但冇嘜層次感。豬扒啱啱炸起，熱辣辣。起初都有啲脆，但由於起菜時已放喺湯面，所以淋得好快。但整體嚟講還算可以。值得推介嘅係呢度嘅辣菜甫，有咬口得嚟又夠辣。所以建議嗜辣人士不妨可以試吓；唔食得太辣嘅可以亦order唔辣或小辣嘅麵，然後再加啲辣菜甫，會好味啲。
但留意調味料要出去櫃枱擺架，記得要加啲呀！
Post
