Doodie Cafe Bar (Closed)

Happy Monday~只要見朋友，輕鬆傾計的日子~日日都係Happy Day~朋友公司搬到荃灣~ 以後見面就更加方便~今日去到地鐵站附近的小酒吧HH~酒吧有提供室外坐位~ 方便吸煙人仕~不過小妹比較鐘意室內有冷氣~~見到餐牌，有好多種類手工啤酒~見到少爺啤酒廠出品，心中大喜！！因為少爺啤酒廠正正係小妹公司附近~但一直未有機會幫襯~~小妹點左咸檸啤好有本土特色！ 第一下入口咸、酸十足~但過後又有甜甜的酒香~先叫一個熱狗墊墊肚~大量honey mustard醬~ 厚切牛舌已切好一條條~入口啖啖肉~ 適合2人分享~~飲酒，當然唔少得炸物~點左一個Meat lover併盤~2款腸仔配3隻雞翼~講真賣相係差左少少~因為份量比較少~但2款腸仔都幾惹味~另外，啤酒薯條就屈機得多！份量超多，食極都唔完~而且非常脆口~ 如果唔沾醬汁，有淡淡啤酒味~但對小妹黎講，醬汁先係重點~ 因為自家制醬汁，有煙薰香，亦帶少少辣~ 正！