Video
Read full review
2021-05-04
122 views
自從加份酸菜魚關注組之後就勾起食酸菜魚嘅念頭， 然後發現呢間位於大角咀嘅小店做緊優惠，雖然優惠已經喺4月尾完結，但佢啲水煮系列好似好吸引，於是約 @heaeatwalk 一齊去試下。同店員言談之間知道小店開業咗兩年，由60多歲嘅何師傅及其兒子主理，何師傳入廚超過50年，更曾經喺山頂某富豪屋企做私人廚師，廚藝一定有保證。今次為水煮系列而來，立即落單！水煮牛肉 $148上桌嘅辣香已經令人流哂口水，紅噹噹的湯裡面有牛肉、木耳、大蔥、花椒、辣椒乾等等，最特別係加咗蒜蓉，令味道唔會只係得死辣，而係辣得有層次。鮮牛軟滑有牛味，最後梗係要食埋索盡辣汁嘅薯粉，唔會太腍又彈牙，份量夠哂兩個人食，超級滿足！重慶口水雞 $68重慶辣汁香濃又惹味，而且唔會太過辣而搶過雞味。店員話大廚選用新鮮雞，所以有雞味之餘，肉質都好滑溜，連雞皮都好鬼滑，引唔住一舊接一舊。
四川肉炒椰菜花 $138椰菜花好鮮甜，同時有微辣增加風味，絕藝唔好錯過有鹹香嘅四川菜，如果唔係食太多薯份，真係想叫多個白飯。小店位置有少少隔涉，以街坊客為主，食飯果時都見到有好多外賣訂單，相信都係區內好味之選。店員好友善，雖然第一次去都好好傾，呢啲就係小
水煮牛肉
$148
18 views
0 likes
0 comments
自從加份酸菜魚關注組之後就勾起食酸菜魚嘅念頭， 然後發現呢間位於大角咀嘅小店做緊優惠，雖然優惠已經喺4月尾完結，但佢啲水煮系列好似好吸引，於是約 @heaeatwalk 一齊去試下。
同店員言談之間知道小店開業咗兩年，由60多歲嘅何師傅及其兒子主理，何師傳入廚超過50年，更曾經喺山頂某富豪屋企做私人廚師，廚藝一定有保證。今次為水煮系列而來，立即落單！
水煮牛肉
20 views
0 likes
0 comments
水煮牛肉 $148
上桌嘅辣香已經令人流哂口水，紅噹噹的湯裡面有牛肉、木耳、大蔥、花椒、辣椒乾等等，最特別係加咗蒜蓉，令味道唔會只係得死辣，而係辣得有層次。
鮮牛軟滑有牛味，最後梗係要食埋索盡辣汁嘅薯粉，唔會太腍又彈牙，份量夠哂兩個人食，超級滿足！
重慶口水雞
$68
11 views
0 likes
0 comments
重慶口水雞
$68
0 views
0 likes
0 comments
重慶口水雞 $68
重慶辣汁香濃又惹味，而且唔會太過辣而搶過雞味。店員話大廚選用新鮮雞，所以有雞味之餘，肉質都好滑溜，連雞皮都好鬼滑，引唔住一舊接一舊。
四川肉炒椰菜花
$138
9 views
0 likes
0 comments
四川肉炒椰菜花 $138
椰菜花好鮮甜，同時有微辣增加風味，絕藝唔好錯過有鹹香嘅四川菜，如果唔係食太多薯份，真係想叫多個白飯。
小店位置有少少隔涉，以街坊客為主，食飯果時都見到有好多外賣訂單，相信都係區內好味之選。店員好友善，雖然第一次去都好好傾，呢啲就係小店獨有嘅人情味。
見到牆身好多坊間少見嘅經典菜式，決定下次帶屋企人一齊嚟開餐！
門口相
Post
