屏欣仔傾下計 (Closed)

搬離銅鑼灣後發覺仍然殘留一堆未寫嘅。但係今日突然間跳到來天水圍第一篇。（冇嘅其實都係想寫就寫）呢間係屋苑附近街市入邊嘅一間甜品店，只提供外賣。今日放假口淡淡天口又熱喎，但係粗身大細乜冰點都唔食得知唔知咁嘅天氣食熱野內心係無限句粗口。（胎教！）只好望住一堆雪糕輕嘆咪住先見到有糖不甩，本人係非常鍾意呢啲煙煙韌韌癡晒牙嘅嘢，由於即刻整嘅關係都等左5-8分鐘左右。一盒八粒賣$18。至於味道係有驚喜嘅，由於糯米本身係淡身食口感，所以糖漿方面正常來講係要比較濃甜先夾到。呢個價錢做到呢個效果味道仲要唔錯一定會有下次。