珞桐冰室 (Closed)

我諗大埔友好多都認識哩間餐廳，因為佢係唯二之一屹立係舊式街市既餐廳。主打街坊生意，比起舖位餐廳價錢合宜💯。有時買餸行開都會去食個tea輕鬆下，特別夏天就想飲返杯凍檸茶🥤。今次就叫左份蝦多士拼薯條（$28+凍飲$3）同心心念念既凍檸茶。上台時熱辣辣，薯條🍟係直身唔算粗個隻，雖然夠哂熱但就唔係好脆。除左茄汁，仲附上隻芥末醬，酸酸甜甜咁。主角蝦多士🦐就有啲失望，蝦肉部分無咩蝦味但唔算粉，麵包部分偏甜🍞，整體就唔係好食得出自己食緊咩咁。唯一抵讚就係炸得好香脆，滿足到食炸物既口感。至於凍檸茶就不過不失，🍵茶底唔算香濃，但檸檬超足料🍋。