木屋小食店 (Closed)

街市嘅隱世拉麵終於過嚟試一試青衣呢間出名嘅拉麵，喺街市內亦好好生意，12點去到已經排緊隊，前面有七八個人，等咗差唔多15分鐘終於輪到我。鴨胸拉麵（$45）$45就可以得到呢碗大大碗嘅拉麵呀🥰鴨胸份量比得大方，面頭有蔥花點綴，令成個面睇落賣相吸引。而配料有埋竹筍同埋糖心蛋，糖心蛋整得好靚，湯底係屬於清新嘅湯底，唔會好似出面嘅拉麵舖咁油，所以一啖湯一啖麵咁樣食落去都唔會覺得好邪惡😋拉麵嘅質地係直身嘅拉麵,個人比較鍾意曲身嘅拉麵，如果可以有得揀拉麵嘅款就更加好啦❤️