Video
Read full review
2021-12-09
601 views
位於上環皇后街嘅熟食市場,所吸引我嘅並唔係有華麗嘅裝潢,而竟然係一個街市大排檔裡,會有一張張鋪左紅白格仔嘅懷舊港式西餐檯布嘅檯,排列著一個個紅白酒杯,同身處嘅地方形成強烈嘅對比,相信係依個地方,依間‘餐廳’ 先會搵到..ABC Kitchen全名係A Better Cooking Kitchen, 雖然招牌係意大利國旗🇮🇹, 但其實大部分歐陸菜色都會做到,而且絕不馬虎,賣相/味道不會比其他裝修得‘靚靚仔仔’嘅西餐廳遜色. 晚餐上菜前會先奉上港式西餐嘅牛油🧈餐包,配以是日餐湯(蘑菇湯$33)用料足,非常濃厚..($148)、($128) 青口份量非常多,而都大隻新鮮, 帶子個份量就相對被比下去了,得一粒🤭🤣但配以火腿,半熟鵪鶉蛋,賣相討好有心思😆但帶子當日感覺煎得稍為熟左啲啲..🌟($208)到了主菜,個人亦都認為係全晚最出色嘅,乳豬皮烤至非常脆口,乳豬肉質好腍,薯蓉非常細滑,配以鹹生菜非常惹味,當晚encore左一次😌.($288)正常水準,雖然order左medium rare但出嚟熟左少少,但味道調味都可以,配以蕃薯條嘅配搭相當新穎😲🤣.上來時非常驚喜,冇諗過係一間大排檔嘅西餐可以
.
26 views
0 likes
0 comments
ABC Kitchen全名係A Better Cooking Kitchen, 雖然招牌係意大利國旗🇮🇹, 但其實大部分歐陸菜色都會做到,而且絕不馬虎,賣相/味道不會比其他裝修得‘靚靚仔仔’嘅西餐廳遜色.
晚餐上菜前會先奉上港式西餐嘅牛油🧈餐包,配以是日餐湯(蘑菇湯$33)用料足,非常濃厚.
.
42 views
1 likes
0 comments
[白酒煮藍青口]($148)、[香煎帶子配ham]($128) 青口份量非常多,而都大隻新鮮, 帶子個份量就相對被比下去了,得一粒🤭🤣但配以火腿,半熟鵪鶉蛋,賣相討好有心思😆但帶子當日感覺煎得稍為熟左啲啲.
.
39 views
0 likes
0 comments
🌟[西班牙燒乳豬]($208)到了主菜,個人亦都認為係全晚最出色嘅,乳豬皮烤至非常脆口,乳豬肉質好腍,薯蓉非常細滑,配以鹹生菜非常惹味,當晚encore左一次😌
.
55 views
1 likes
0 comments
[頂級西冷配炸蕃薯條及菠菜苗]($288)正常水準,雖然order左medium rare但出嚟熟左少少,但味道調味都可以,配以蕃薯條嘅配搭相當新穎😲🤣
.
39 views
0 likes
0 comments
[法式鴿子千層酥]上來時非常驚喜,冇諗過係一間大排檔嘅西餐可以食到依道傳統嘅精緻法式料理,烤至金黃色嘅酥皮內細分兩三層,分別有鴿肉同生菜,切出嚟可見層次分別,食落都唔錯雖然肉質未見細嫩,但當中功夫值得欣賞👍🏻
.
23 views
0 likes
0 comments
[拿破崙千層酥]($68)、[覆盆子梳乎厘]($68) 甜品點了兩款法式經典,質素都唔錯,拿破崙餅皮鬆脆,中層除了吉士醬,仲有幾粒蘋果,配以雲尼拿雪糕加上Oreo曲奇碎😁可謂加入了港版元素嘅Mille Feuille🤟🏻
至於Raspberry味嘅Souffle就覺得一般左啲,空氣感太強口感唔算細滑.
.
未完…而大家有冇留意我地每道菜都配上唔同酒呢😌依個亦都係成晚最enjoy嘅地方,就係呢度大排檔嘅free corkage形式,食客可以隨便帶酒,而依度嘅配套亦相當好,估唔到有冰桶之餘,各款酒杯都有(連細細隻甜酒杯都有😮)而如果唔帶酒,餐廳酒單都相當豐富(連LBV Port都有😮),而且價錢相宜,可以帶俾你係大排檔都可以飲住紅酒,据住靚牛扒嘅獨特體驗👏🏻
.
正正係依種咁有特色/貼地嘅港式西餐大排檔體驗令到ABC Kitchen咁特別,是日星期五晚去食,見每張檯都留左位😮(最好打去留檯星期五/六晚, 星期日全日休息)亦吸引好多外籍食客嚟,氣氛相當唔錯,而相信亦都會係一個幾特別嘅酒聚場地之選🤫🤣
Post
