ABC Kitchen

Open Now

Now Closed

看到免費報米珠蓮推薦這間位處街市熟食中心的西班牙菜所以特登過黎。上次無 book 位，變左無位，所以記得要 book 定先啊。晚上什為多西人都會過黎這裡吃飯呢，因為可能免開瓶費吧。環境是熟食店形式，所以一有人行過都會撞到我張椅子，有時都覺得幾煩喔。附上的香草麵包，非常之夠熱仲燙手，我諗真係全港非常少見餐前的麵包咁好食。Lobster soup - 正常，沒有特別好味，除了它都比幾多湯料外。點了的 seared tuna fish 還不錯，同出面正式的 restaurant e.g. enotica @ soho 差不多。反而對米小姐激讚的烤越南乳豬(出世數週)有點失望，皮並不夠脆，好多肥肉....側邊的紫色 cabbage and carrot potato mash 比較好食 d。Pizza - 夠脆Spanish 海鮮飯 Paella - 整得不錯，雖然蜆還是有沙....這裡的店東親自招呼，所以永遠不會缺水缺酒，服務非常好！以佢呢個價錢，雖不算特別抵食或平，但我都覺得是不錯的一餐。