群眾小廚 (Closed)

店位於灣仔機利臣街內，日間小街攤子林立有水果、服裝、花店。群眾午市做碟頭飯，平、快、靚為主。而夜晚小菜海鮮式式俱備，同鄰近富豪食堂有得俾咖，晚飯時間座無虛席，人多最好訂位及預留心水海鮮。花膠炆鵝掌-好夠火喉，鵝掌size夠大，花膠細細隻勝在肉厚。百零蚊物超所值。王雞-夠肉唔會太肥，熟透都保持嫩滑，唔鞋。胡椒蝦煲- 中蝦好鮮甜肉爽，胡椒頗重手，勁香辣！ 菜份量足，夠穫氣！