Video
Read full review
2023-11-22
24 views
呢幾年喺大角嘴近利奧坊一帶多咗好多值得一試嘅餐廳。今日就嚟到大全街嘅The Francesco 食意大利菜。本以為平平無奇嘅一間西餐廳，比想像中有多點驚喜。餐酒嘅選擇非常多而且清一色都係來自意大利嘅葡萄酒。 而且Per Glass 嘅 wine 都到達DOC 級數以上，幾有誠意。Le Rughe Prosecco Brut DOC半乾口感嘅氣泡酒，餐前飲開開胃嘅好選擇。微香嘅青蘋果同檸檬味感覺清新。Il Palazzo Chianti DOCG 2021黑水果味重嘅一款紅酒，丹寧中等易入口。紅酒會隱約散發土壤同皮革嘅味道。Caesar Salad with Smoked Salmon 煙三文魚凱撒沙律係原條羅馬生菜上嘅凱散沙律！沙律醬岩岩好唔怕太肥，煙三文魚大大塊仲配埋三文魚子，性價比極高。Veal Tripe Roman Style on Ciabatta羅馬式小牛肚意大利面包原來意大利人都會有食牛肚嘅菜式。味道少少辣幾開胃，隱約嘅硬羊奶芝士增加咗Creamy 嘅口感，層次十足。Marinated Sous vide AUS Lamb Shank真空低溫慢煮澳洲羊腿西餐經常性地食牛排
呢幾年喺大角嘴近利奧坊一帶多咗好多值得一試嘅餐廳。今日就嚟到大全街嘅The Francesco 食意大利菜。
本以為平平無奇嘅一間西餐廳，比想像中有多點驚喜。
餐酒嘅選擇非常多而且清一色都係來自意大利嘅葡萄酒。 而且Per Glass 嘅 wine 都到達DOC 級數以上，幾有誠意。
Le Rughe Prosecco Brut DOC
半乾口感嘅氣泡酒，餐前飲開開胃嘅好選擇。微香嘅青蘋果同檸檬味感覺清新。
Il Palazzo Chianti DOCG 2021
黑水果味重嘅一款紅酒，丹寧中等易入口。紅酒會隱約散發土壤同皮革嘅味道。
Caesar Salad with Smoked Salmon
煙三文魚凱撒沙律
係原條羅馬生菜上嘅凱散沙律！沙律醬岩岩好唔怕太肥，煙三文魚大大塊仲配埋三文魚子，性價比極高。
Veal Tripe Roman Style on Ciabatta
羅馬式小牛肚意大利面包
原來意大利人都會有食牛肚嘅菜式。味道少少辣幾開胃，隱約嘅硬羊奶芝士增加咗Creamy 嘅口感，層次十足。
Marinated Sous vide AUS Lamb Shank
真空低溫慢煮澳洲羊腿
西餐經常性地食牛排，想轉轉口味食羊都係不錯嘅選擇。羊腿肉肉質比起羊架更加juicy 同嫩口，而且一啲都唔騷，同杯Chianti 紅酒幾夾。
Spaghetti Carbonara
卡邦尼意大利粉
全晚最驚喜最令我想返deal 嘅菜式！ 卡邦尼意粉每間西餐廳都會on menu, 但做得出色嘅真係冇乜邊幾間。The Francesco 嘅卡邦尼意粉用咗豬面頗肉，用油炸到好似煙肉嘅香脆口感，味道偏重。配埋刻意啖味嘅意粉岩岩好拎到個Balance。用心誠意嘅處理值得令人回頭再試其他菜式！
Post
